ಬಿಗ್‌ ಬಾಸ್‌ ಗೆದ್ದು ಶೈನ್‌ ಆದ ಶೈನ್‌ ಶೆಟ್ಟಿ.
ಬಿಗ್‌ ಬಾಸ್‌ ಸೀಸನ್‌ 7 ನಲ್ಲಿ ವಿಜಯಿಯಾಗೋ ಮೂಲಕ ಶೈನ್‌ ಆಗಿದ್ದಾರೆ ಶೈನ್‌ ಶೆಟ್ಟಿ. ಗ್ರ್ಯಾಂಡ್‌ ಆಗೇ ನಡೆದ ಗ್ರ್ಯಾಂಡ್‌ ಫಿನಾಲೇಲಿ ಗೆದ್ದು ಪ್ರಶಸ್ತಿ ಪಡೆದವರು ಶೈನ್‌. ಬಿಗ್‌ ಬಾಸ್‌ ಸೀಸನ್‌ 7 ನ ರನ್ನರ್‌ ಅಪ್‌ ಆದವರು ಕುರಿ ಪ್ರತಾಪ್‌.
ಸೀಸನ್‌ ಸೆವೆನ್‌ ಆರಂಭವಾದಾಗಿನಿಂದ ಪ್ರತಿದಿನವೂ ಆಕ್ಟೀವ್‌ ಆಗಿ ಕಾಣಿಸ್ತಾ, ಪ್ರತಿಯೊಬ್ಬರ ಜೊತೆ ಮಾತಾಡ್ತಾ, ಸಖತ್‌ ಜೋಶ್‌ ನಿಂದಲೇ ಟಾಸ್ಕ್‌ ಗಳಲ್ಲಿ ಭಾಗವಹಿಸಿದವ್ರು ಶೈನ್‌ ಶೆಟ್ಟಿ. ಮನೆಯಲ್ಲಿದ್ದ 20 ಸ್ಪರ್ಧಿಗಳ ನಡುವೆ ಶೈನ್‌ ಆಗಿ ಭಾರಿ ಜನಪ್ರಿಯತೆ ಪಡೆದವರು ಶೈನ್‌ ಶೆಟ್ಟಿ. ಅದಾಗಲೇ ಬಹಳ ಫೇಮಸ್‌ ಆಗಿರೋ ಸ್ಪರ್ಧಿಗಳ ನಡುವೆ ಶೈನ್‌ ಫಿನಾಲೆಗೆ ಬರ್ತಾರಾ ಅಂತಿದ್ದವರಿಗೆ ಫಿನಾಲೆಗೆ ಬರೋದ್ರ ಜೊತೆಗೆ ಪ್ರಶಸ್ತಿ ಗೆಲ್ಲುವ ಮೂಲಕ ಉತ್ತರ ಕೊಟ್ಟಿದ್ದಾರೆ. ಇನ್ನು ಬಿಗ್‌ ಬಾಸ್‌ ಮನೆಯಲ್ಲಿ ತಮ್ಮ ಕಾಮೆಡಿ ಹಾಗೂ ಆಟದ ಮೂಲಕ ಜನಪ್ರಿಯತೆ ಪಡೆದಿದ್ದ ಕುರಿ ಪ್ರತಾಪ್‌ ರನ್ನರ್‌ ಅಪ್‌ ಆದ್ರು.