ಅಮೆಜಾನ್ ಪ್ರೈಮ್ ನಲ್ಲಿ ಏಪ್ರಿಲ್ 25 ಕ್ಕೆ ರಾಬರ್ಟ್
ಮುಂಬೈ, 21 ಏಪ್ರಿಲ್ 2021: ಏಪ್ರಿಲ್ 25ಕ್ಕೆ ತೆರೆಕಾಣಲಿರುವ ವಿಶೇಷ ಕನ್ನಡ ಆಕ್ಷನ್ ಥ್ರಿಲ್ಲರ್ ರಾಬರ್ಟ್ ನ ಡಿಜಿಟಲ್ ಪ್ರಥಮ ಪ್ರದರ್ಶನವನ್ನು ಅಮೆಜಾನ್ ಪ್ರೈಮ್ ವಿಡಿಯೋ ಇಂದು ಪ್ರಕಟಿಸಿದೆ. ಯುವರತ್ನ ದ ಯಶಸ್ವಿ ಬಿಡುಗಡೆಯ ನಂತರ, ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಕನ್ನಡ ಬ್ಲಾಕ್ ಬಸ್ಟರ್ ಗಳ ರೋಚಕ ಸಾಲಿಗೆ ರಾಬರ್ಟ್ ಸೇರುತ್ತದೆ. ಸೂಪರ್ ಸ್ಟಾರ್ ದರ್ಶನ್ ನಟಿಸಿರುವ ಈ ಚಿತ್ರದಲ್ಲಿ ಜಗಪತಿ ಬಾಬು, ರವಿ ಕಿಶನ್, ವಿನೋದ್ ಪ್ರಭಾಕರ್ ಮತ್ತು ಚೊಚ್ಚಲ ನಟಿ ಆಶಾ ಭಟ್ ಪ್ರಮುಖ ಪಾತ್ರಗಳಲ್ಲಿದ್ದಾರೆ. ಏಪ್ರಿಲ್ ೨೫ ರಿಂದ, ಭಾರತದಲ್ಲಿನ ಮತ್ತು ಇತರ ೨೪೦ ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿನ ಪ್ರೈಮ್ ಸದಸ್ಯರು ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾದ ಕೆಲವೇ ದಿನಗಳಲ್ಲಿ ರಾಬರ್ಟ್ ಅನ್ನು ವೀಕ್ಷಿಸಬಹುದು.
ಈ ಚಿತ್ರವು ಲಖನೌದಲ್ಲಿ ತನ್ನ ಮಗ ಅರ್ಜುನ್ ಜೊತೆ ವಾಸಿಸುವ ಮತ್ತು ದಕ್ಷಿಣ ಭಾರತದ ಅಡುಗೆ ಸೇವೆಯಲ್ಲಿ ಅಡುಗೆಯವನಾಗಿ ಕೆಲಸ ಮಾಡುವ ರಾಘವ (ದರ್ಶನ್ ನಿರ್ವಹಿಸಿದ)ನ ಜೀವನದ ಸುತ್ತ ಕೇಂದ್ರೀಕರಿಸಿದೆ. ರಾಘವನು ಆಜ್ಞಾಧಾರಕ, ದೇವರಿಗೆ ಹೆದರುವ ಮತ್ತು ಶಾಂತಿ ಪ್ರಿಯ ವ್ಯಕ್ತಿಯಾಗಿದ್ದರೆ, ಅವನ ಮಗನು ತಂದೆಗೆ ಸಂಪೂರ್ಣ ವಿರುದ್ಧ – ಸೇಡಿನ ಮನೋಭಾವದವನು ಮತ್ತು ಹಠಮಾರಿ. ಅವರ ವಿರುದ್ಧ ಧ್ರುವಗಳಂತಹ ವ್ಯತಿರಿಕ್ತ ವ್ಯಕ್ತಿತ್ವಗಳು ಚಿತ್ರದಲ್ಲಿನ ಎಲ್ಲಾ ಕಾರ್ಯಗಳ ಕೇಂದ್ರವಾಗಿ, ಕಥೆಯನ್ನು ಮುಂದಕ್ಕೆ ನಡೆಸಿಕೊಂಡು ಹೋಗುತ್ತದೆ. ಅರ್ಜುನ್ ನ ಪ್ರತೀಕಾರಿ ಮನೋಭಾವದಿಂದ ಅವನು ಒಬ್ಬ ಪ್ರಬಲ ದರೋಡೆಕೋರನೊಂದಿಗೆ ತೊಂದರೆಗೆ ಸಿಲುಕುವವರೆಗೂ ತಂದೆ-ಮಗ ಜೋಡಿಯು ನೆಮ್ಮದಿಯಾಗಿ ಜೀವಿಸುತ್ತಿರುತ್ತಾರೆ. ರಾಘವನು ತನ್ನ ಮಗನನ್ನು ರಕ್ಷಿಸಲು ತನ್ನ ಬಲವಂತವಾಗಿ ನಿಜರೂಪವನ್ನು ಧರಿಸಬೇಕಾಗುತ್ತದೆ. ಆ ಗಲಭೆಯ ಫಲವೇ ಈ ಆಕ್ಷನ್ ಮತ್ತು ಸಾಹಸಮಯ ಕಥೆ.
“ಪುನೀತ್ ರಾಜ್‌ಕುಮಾರ್ ಅವರ ಯುವರತ್ನದ ಯಶಸ್ವಿ ಡಿಜಿಟಲ್ ಪ್ರದರ್ಶನದ ನಂತರ, ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಮತ್ತೊಂದು ಬ್ಲಾಕ್-ಬಸ್ಟರ್ ಕನ್ನಡ ಚಲನಚಿತ್ರ ರಾಬರ್ಟ್ ಅವರ ಡಿಜಿಟಲ್ ಪ್ರದರ್ಶನವನ್ನು ಘೋಷಿಸಲು ನಾವು ಅತ್ಯಂತ ರೋಮಾಂಚನಗೊಂಡಿದ್ದೇವೆ” ಎಂದು ಅಮೆಜಾನ್ ಪ್ರೈಮ್ ವಿಡಿಯೋ, ವಿಷಯದ ನಿರ್ದೇಶಕ ಮತ್ತು ಮುಖ್ಯಸ್ಥ ವಿಜಯ್ ಸುಬ್ರಮಣ್ಯಂ ಹೇಳಿದ್ದಾರೆ. “ರಾಬರ್ಟ್ ವರ್ಷದ ಅತ್ಯಂತ ನಿರೀಕ್ಷಿತ ಕನ್ನಡ ಚಲನಚಿತ್ರಗಳಲ್ಲಿ ಒಂದಾಗಿದೆ ಮತ್ತು ಚಿತ್ರಮಂದಿರಗಳಲ್ಲಿ ಯಶಸ್ವಿಯಾಗಿ ಪ್ರದರ್ಶನಗೊಂಡ ನಂತರ ಚಲನಚಿತ್ರವನ್ನು ಭಾರತದ ಮತ್ತು 240 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ ಪ್ರೈಮ್ ಸದಸ್ಯರಿಗೆ ತರಲು ನಮಗೆ ಸಂತೋಷವಾಗಿದೆ.
ಈಗ ಪ್ರೇಕ್ಷಕರು ಭಾರತದಲ್ಲಿ ಮಾತ್ರವಲ್ಲದೆ ಜಗತ್ತಿನಾದ್ಯಂತ ಈ ಅದ್ಭುತ ಸಿನಿಮೀಯ ಅನುಭವವನ್ನು ಮನೆಯಲ್ಲಿಯೇ ಆನಂದಿಸಬಹುದು. ” ರಾಬರ್ಟ್ ಪ್ರೇಕ್ಷಕರ ಅಚ್ಚುಮೆಚ್ಚಿನ ನಾಯಕ ದರ್ಶನ್ ನಟನೆಯ ಸಂಪೂರ್ಣ ಆಕ್ಷನ್ ಚಿತ್ರವಾಗಿದೆ. ಅವರ ಅದ್ಭುತ ಅಭಿನಯವು ಚಿತ್ರಕ್ಕೆ ದೊಡ್ಡ ಪ್ಲಸ್ ಪಾಯಿಂಟ್ ಆಗಿದೆ ”ಎಂದು ಬರಹಗಾರ ಮತ್ತು ನಿರ್ದೇಶಕ ತರುಣ್ ಸುಧೀರ್ ಹೇಳಿದ್ದಾರೆ. “ರಾಬರ್ಟ್ ಆಸಕ್ತಿದಾಯಕ ಕಥಾವಸ್ತುವನ್ನು ಹೊಂದಿದೆ, ಅದು ಪ್ರೇಕ್ಷಕರನ್ನು ತಮ್ಮ ಆಸನಗಳ ತುದಿಯಲ್ಲಿ ಕೂರಿಸುತ್ತದೆ. ನಮ್ಮ ನಾಯಕ ರಾಘವನಿಂದ ರಾಬರ್ಟ್ ಆಗಿ ಬದಲಾಗುವುದನ್ನು ನೋಡುವುದು ಒಂದು ಪರಮಾನಂದ. ಇದಲ್ಲದೆ, ದರ್ಶನ್ ನಾಯಕನಾಗಿ ಮತ್ತು ಅವರ ರಾಷ್ಟ್ರವ್ಯಾಪಿ ಅಭಿಮಾನಿ ಬಳಗದೊಂದಿಗೆ, ಈ ಚಿತ್ರವು ಪ್ರೇಕ್ಷಕರನ್ನು ಸೆಳೆಯುತ್ತದೆ ಎಂದು ನನಗೆ ತಿಳಿದಿತ್ತು. ಸ್ಯಾಂಡಲ್‌ವುಡ್‌ನ ಪ್ರೇಕ್ಷಕರು ಚಿತ್ರಮಂದಿರಗಳಲ್ಲಿ ಚಿತ್ರವನ್ನು ಆನಂದಿಸಿದ್ದರೆ, ಈ ಸಿನಿಮೀಯ ಅದ್ಭುತವನ್ನು ಮತ್ತಷ್ಟು ಪ್ರೇಕ್ಷಕರ ಬಳಿಗೆ ಕೊಂಡೊಯ್ಯಲು ನಾವು ಉತ್ಸುಕರಾಗಿದ್ದೇವೆ.
ಅಮೆಜಾನ್ ಪ್ರೈಮ್ ವಿಡಿಯೋ ಮೂಲಕ 240 ದೇಶಗಳು ಮತ್ತು ಪ್ರಾಂತ್ಯಗಳಲ್ಲಿ ಚಲನಚಿತ್ರ ಪ್ರಿಯರು ಚಿತ್ರವನ್ನು ನೋಡುತ್ತಿರುವುದು ನನಗೆ ಅಪಾರ ಸಂತೋಷವಾಗಿದೆ”. “ಸ್ಯಾಂಡಲ್‌ವುಡ್‌ ನಿಂದ ಮಾತ್ರವಲ್ಲದೆ ಭಾರತದಾದ್ಯಂತದ ಪ್ರೇಕ್ಷಕರಿಂದ ನನಗೆ ದೊರೆಯುವ ಪ್ರೀತಿಯು ಅಗಾಧ. ಇಂತಹ ಮತ್ತು ಮನೆಯಲ್ಲೇ ಇರುವ ಪ್ರೇಕ್ಷಕರ ಹಿತದೃಷ್ಟಿಯಿಂದ, ರಾಬರ್ಟ್ ಅನ್ನು ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಬಿಡುಗಡೆ ಮಾಡಲು ನಾವು ಉತ್ಸುಕರಾಗಿದ್ದೇವೆ. ಅಮೆಜಾನ್ ಪ್ರೈಮ್ ವಿಡಿಯೋದಲ್ಲಿ ಚಿತ್ರದ ವಿಶ್ವ ಡಿಜಿಟಲ್ ಪ್ರದರ್ಶನದೊಂದಿಗೆ, ಜಾಗತಿಕ ಪ್ರೇಕ್ಷಕರನ್ನು ತಲುಪಲು ನಾವು ರೋಮಾಂಚನಗೊಂಡಿದ್ದೇವೆ. ಏಪ್ರಿಲ್ 25 ರಿಂದ ಬಿಡುಗಡೆಯಾಗುವ ಈ ಚಲನಚಿತ್ರವನ್ನು ವಿಶ್ವದಾದ್ಯಂತದ ಪ್ರೇಕ್ಷಕರು ಆನಂದಿಸಬಹುದು. ” ತನ್ನ ಡಿಜಿಟಲ್ ಪ್ರಥಮ ಪ್ರದರ್ಶನಕ್ಕಿಂತ ಮುಂಚಿತವಾಗಿ ತಮ್ಮ ಉತ್ಸಾಹವನ್ನು ಹಂಚಿಕೊಂಡಿರುವ ಪ್ರಮುಖ ಪಾತ್ರದಲ್ಲಿರುವ ನಟ ದರ್ಶನ್, “ಚಿತ್ರದ ಕಥಾವಸ್ತುವು ಪ್ರೇಕ್ಷಕರನ್ನು ತಲ್ಲೀನಗೊಳ್ಳುವಂತೆ ಮಾಡುತ್ತದೆ, ಮತ್ತು ಚಿತ್ರದಲ್ಲಿನ ನನ್ನ ಪಾತ್ರವು ವೀಕ್ಷಿಸಲು ಆಸಕ್ತಿದಾಯಕವಾಗಿದೆ. ದರೋಡೆಕೋರ, ನಿಷ್ಠಾವಂತ ಸ್ನೇಹಿತ ಮತ್ತು ಉತ್ತಮ ತಂದೆಯಂತಹ ವಿಭಿನ್ನ ಅವತಾರಗಳಲ್ಲಿ ನನ್ನನ್ನು ನೋಡಲು ಇದು ವೀಕ್ಷಕರಿಗೆ ಅವಕಾಶ ನೀಡುತ್ತದೆ. ” ಎಂದಿದ್ದಾರೆ.