‘ಏಕ್ ಲವ್ ಯಾ..’ ಕ್ಯಾ ರೆಕಾರ್ಡ್ ಹೇ ಯಾ..!
ಜೋಗಿ ಪ್ರೇಮ್ ಸಿನಿಮಾ ನಿರ್ದೇಶನ ಮಾಡ್ತಿದ್ದಾರೆ ಅಂದ್ರೆ ಸಾಕು ಆ ಸಿನಿಮಾ ದಾಖಲೆ ಬರೆಯೊದರಲ್ಲಿ ಡೌಟೇಯಿಲ್ಲ, ಸಿನಿಮಾ ಸಕ್ಸಸ್ ಆಗ್ತಿಲ್ಲ ಅಂದ್ರು ಪ್ರೇಮ್ ಸಿನಿಮಾಗಳು ಮಾಡೋ ಕಮಾಲ್ ಅಷ್ಟಿಷ್ಟಲ್ಲ. ಇಷ್ಟು ದಿವಸ ಸ್ಟಾರ್ ನಟರ ಹಾಕಿಕೊಂಡು ಸಿನಿಮಾ ಮಾಡುತ್ತಿದ್ದ ಪ್ರೇಮ್ ಈ ಬಾರಿ ಯಾರೂ ಬೇಡ ಅಂತ ತನ್ನ ಬಾಮೈದುನನ್ನೇ ಸಿನಿಮಾ ಹೀರೋ ಮಾಡಿ ಪ್ರೇಮ ಪಾಠ ಮಾಡಲು ಹೊರಟಿದ್ದಾರೆ.
ಸಿನಿಮಾದ ಟೈಟಲ್ ಅನೌನ್ಸ್ ಆದಗಿಲಿಂದಲ್ಲೂ ಒಂದಿಲ್ಲೊಂದು ಸುದ್ದಿಯಲ್ಲಿರುವ ಏಕ್ ಲವ್ ಯಾ..! ಸಿನಿಮಾ, ಇದೀಗಾ ಬಿಡುಗಡೆಗೂ ಮುನ್ನವೇ ಹೊಸ ದಾಖಲೆಯೊಂದನ್ನೂ ಮುಡಿಗೇರಿಸಿಕೊಳ್ಳಲು ಮುಂದಾಗಿದೆ. ಹೌದು, ಕರಿಯ ಪ್ರೇಮ್ ನಿರ್ದೇಶನದ ಏಕ್ ಲವ್ ಯಾ ಸಿನಿಮಾದ ಆಡಿಯೋ ಕೊಳ್ಳಲು ಆಡಿಯೋ ಕಂಪನಿಗಳು ಮುಗಿಬಿದ್ದಿವೆ.
ಸ್ಟಾರ್ ಡೈರೆಕ್ಟರ್ ಪ್ರೇಮ್ ಸಿನಿಮಾ ಅಂದ್ರೆ ಹಾಡುಗಳ ಅಬ್ಬರ ಜೋರಾಗಿರುತ್ತೆ, ಪ್ರೇಮ್ ಈವರೆಗೂ ಆ್ಯಕ್ಷ್ಯನ್ ಕಟ್ ಹೇಳಿರುವ ಕರಿಯಾ, ಎಕ್ಸಕ್ಯೂಸ್ ಮಿ, ಜೋಗಿ, ರಾಜ್, ಜೋಗಯ್ಯ, ದಿ ವಿಲನ್ ಸಿನಿಮಾಗಳ ಹಾಡುಗಳ ಆಡಿಯೋ ರೈಟ್ಸ್ ದುಬಾರಿ ಬೆಲೆಗೆ ಸೇಲ್ ಆಗಿತ್ತು. ಇದೀಗಾ ಏಕ್ ಲವ್ ಯಾ ಸಿನಿಮಾದ ಹಾಡುಗಳ ಆಡಿಯೋ ರೈಟ್ಸ್ ಕೂಡ ದುಬಾರಿ ಬೆಲೆಗೆ ಸೇಲ್ ಆಗಿದೆ. ಅರ್ಜುನ್ ಜನ್ಯ ಹಾಗೂ ಪ್ರೇಮ್ ಕಾಂಬಿನೇಷನ್ನ ಎರಡನೇ ಸಿನಿಮಾವಾಗಿರುವುದರಿಂದ ಸಹಜವಾಗಿಯೇ ಚಿತ್ರದ ಹಾಡುಗಳ ಬಗ್ಗೆ ಭಾರೀ ನಿರೀಕ್ಷೆ ಇದೆ.
ಸದ್ಯ ಬಾರೀ ಪೈಪೋಟಿಯ ನಡುವೆ ಏಕ್ ಲವ್ ಯಾ ಸಿನಿಮಾದ ಆಡಿಯೋ ರೈಟ್ಸ್ ಅನ್ನ A2 ಮ್ಯೂಸಿಕ್ ಪಾಲಾಗಿದೆ. 1 ಕೋಟಿ 8 ಲಕ್ಷ ಅಂದಿದ್ದ ಪ್ರೇಮ್ಗೆ ಮುಂಗಡವಾಗಿ 81 ಲಕ್ಷ ಕೊಟ್ಟು ಎ2 ಆಡಿಯೋ ಕಂಪನಿ ಚಿತ್ರದ ಹಾಡುಗಳ ರೈಟ್ಸ್ ಅನ್ನ ಪಡೆದುಕೊಂಡಿದೆ. ಇನ್ನ, ಬಿಡುಗಡೆಗೂ ಮುನ್ನ ಹೊಸ ನಾಯಕನ ಸಿನಿಮಾದ ಆಡಿಯೋ ದುಬಾರಿ ಬೆಲೆಗೆ ಸೇಲ್ ಆಗಿರುವುದು ಎಲ್ಲರ ಉಬ್ಬೆರಿಸುವಂತೆ ಮಾಡಿದೆ.
ಸದ್ಯ ಲವ್ ಕಥಾ ಹಂದರವನ್ನ ಹೊಂದಿರುವ ಸಿನಿಮಾದ ಮತ್ತೊಂದು ಮೋಷನ್ ಪೋಸ್ಟರ್ ಅನ್ನ ಇದೇ ಫೆಬ್ರವರಿ 8 ಕ್ಕೆ ರಿಲೀಸ್ ಮಾಡಲು ನಿರ್ದೇಶಕ ಪ್ರೇಮ್ ಮಾಡಿಕೊಂಡಿದ್ದಾರೆ ಎಂದು ಹೇಳಲಾಗಿದೆ. ಹಾಗೇ ಚಿತ್ರ ಮೊದಲ ಹಂತದ ಟೀಸರ್ ಅನ್ನ ಪ್ರೇಮಿಗಳ ದಿನ ಅಂದರೆ ಫೆ.14 ಕ್ಕೆ ಬಿಡುಗಡೆ ಮಾಡಲು ಚಿತ್ರ ತಂಡ ಪ್ಲಾನ್ ಮಾಡಿಕೊಂಡಿದೆ. ಚಿತ್ರದಲ್ಲಿ ರಕ್ಷಿತಾ ಪ್ರೇಮ್ ಸಹೋದರ ರಾಣಾ ನಾಯಕನಾಗಿ ಕಾಣಿಸಿಕೊಂಡಿದ್ದು, ನಾಯಕಿಯಾಗಿ ಡಿಂಪಲ್ ಕ್ವೀನ್ ರಚಿತಾರಾಮ್ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಚಿತ್ರದ ಟೈಟಲ್ ಪೋಸ್ಟರ್ ಹಾಗೂ ಮೇಕಿಂಗ್ ವಿಡಿಯೋಗಳು ಪ್ರೇಕ್ಷಕರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದು ಸಾಕಷ್ಟು ನಿರೀಕ್ಷೆಯನ್ನ ಹುಟ್ಟುಹಾಕಿದೆ.