ಮಾದೇಶ್ವರನ ಪಾದಕ್ಕೆ ಅಡ್ಡಬಿದ್ದ ವಿಜಿ

ʻಸಲಗʼ ದುನಿಯಾ ವಿಜಿ ಪಾಲಿಗೆ ಚರಿತ್ರೆ ಸೃಷ್ಟಿಸುವ ಅವತಾರವಾಗುತ್ತೆ ಅನ್ನುವ ನಂಬಿಕೆ ಗಾಂಧಿನಗರಕ್ಕಿದೆ. ಇದಕ್ಕೆ ತಕ್ಕಂತೆ ದುನಿಯಾ ವಿಜಿ ಸಲಗಕ್ಕಾಗಿ ಹಗಲಿರುಳು ಬೆವರು ಸುರಿಸಿ ಕೆಲಸ ಮಾಡ್ತಿದ್ದಾರೆ. ಯಾವ ವಿಚಾರದಲ್ಲೂ ಇಲ್ಲಿಯತನಕ ರಾಜಿಯಾಗದ ಕರಿಚಿರತೆ ವಿಜಿ ಇತ್ತೀಚಿಗಷ್ಟೇ ಮಲೇಶಿಯಾದ ಸಿಂಗರ್ ಯೋಗಿ ಅವರನ್ನ ಕನ್ನಡಕ್ಕೆ ಕರೆ ತಂದು, ಹಾಡೊಂದಕ್ಕೆ ದನಿಯಾಗಿಸಿದ್ದರು. ಮಲೇಶಿಯಾದ ತಮಿಳು ಮೂಲದ ಗಾಯಕ ಯೋಗಿ ಕಂಠ ಸಲಗಕ್ಕೆ ಇನ್ನಷ್ಟು ಶಕ್ತಿ ತುಂಬುತ್ತೆ ಎಂಬ ಭರವಸೆಯಲ್ಲೇ, ದುನಿಯಾ ವಿಜಿ ಇದೀಗ ಚಿತ್ರದ ಎರಡನೇ ಹಾಡು ಬಿಡುಗಡೆ ಮಾಡುವ ತಯಾರಿಯಲ್ಲಿದ್ದಾರೆ. ಐ ಲವ್ ಯೂ ಸಂಜನಾ ಎಂಬ ಹಾಡು ಇನ್ನೇನು ಬಿಡುಗಡೆಯಾಗಲಿದೆ. ಇದ್ರ ನಡುವೆ ಇದೀಗ ದುನಿಯಾ ವಿಜಿ ಮಾದೇಶ್ವರನ ಪಾದಕ್ಕೆ ಅಡ್ಡ ಬಿದ್ದಿದ್ದಾರೆ ಹೌದು, ಸಲಗದ ನ್ಯೂ ಸಾಂಗ್ ಬಿಡುಗಡೆಗೂ ಮುನ್ನ, ಮಾದೇಶ್ವರನ ಸನ್ನಿಧಿಗೆ ತೆರಳಿ ದುನಿಯಾ ವಿಜಿ ವಿಶೇಷ ಪೂಜೆ ಸಲ್ಲಿಸಿದ್ದಾರೆ. ಸಲಗದ ಗೆಲುವಿಗಾಗಿ ಪ್ರಾರ್ಥನೆ ಮಾಡಿದ್ದಾರೆ. ಮಾದೇಶ್ವರನ ಆನೆಗೆ ಹಣ್ಣು ಹಂಪಲು ನೀಡಿ ಆಶೀರ್ವಾದ ಪಡೆದಿದ್ದಾರೆ.ಇದೇ ವೇಳೆ ದುನಿಯಾ ವಿಜಿ ಅಭಿಮಾನಿಗಳ ಪ್ರೀತಿಯ ಮಳೆಯಲ್ಲೂ ಮಿಂದೆದ್ದಿದ್ದಾರೆ. ಮಲೆ ಮಾದೇಶ್ವರನ ಬೆಟ್ಟದಲ್ಲಿ ಸೆಲ್ಫೀ ಕ್ಲಿಕಿಸಿಕೊಂಡಿದ್ದಾರೆ. ಪೋಟೋಗೂ ಫೋಸ್ ನೀಡಿದ್ದಾರೆ. ಅಂದ ಹಾಗೇ ಬಿಡುಗಡೆಯಾಗಲಿರುವ ಐ ಲವ್ ಯೂ ಸಂಜನಾ ಹಾಡಿಗೆ ನವೀನ್ ಸಜ್ಜು ಸಂಗೀತ ನಿರ್ದೇಶನವಿದೆ. ಬಹದ್ಧೂರ್ ಚೇತನ್ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ಹಾಗಾಗಿ, ವಿಜಿ ಜೊತೆ ನವೀನ್ ಸಜ್ಜು ಕೂಡಾ ಮಲೇ ಮಹದೇಶ್ವರನ ದರ್ಶನವನ್ನ ಇದೇ ವೇಳೆ ಪಡೆದಿದ್ದಾರೆ. ವಿಜಿ ಪತ್ನಿ ಕೀರ್ತಿ ಗೌಡ ಕೂಡಾ ಇದೇ ವೇಳೆ ಉಪಸ್ಥಿತರಿದ್ದರು. ಇದ್ರ ನಡುವೆ ಸಲಗ ಘೀಳಿಡುವುದಕ್ಕೆ ಮುಹೂರ್ತನೂ ಫಿಕ್ಸ್ ಮಾಡಲಾಗಿದೆ. ಹೌದು, ಸಲಗ ಬಿಡುಗಡೆಗೆ ಡೇಟ್ದಿ‌ ಫಿಕ್ಸ್‌ ಆಗಿದೆ. ಇದೇ ಯುಗಾದಿ ಹಬ್ಬದ ಪ್ರಯುಕ್ತ ದುನಿಯಾ ವಿಜಿ ತಮ್ಮ ಸಲಗ ಚಿತ್ರವನ್ನ ತೆರೆಗೆ ತರಲಿದ್ದಾರೆ. ಇದು, ಸಹಜವಾಗಿಯೇ ಕರಿಚಿರತೆ ಅಭಿಮಾನಿಗಳ ಬಳಗದ ಸಂಭ್ರಮವನ್ನೂ ಹೆಚ್ಚಿಸಿದೆ.