ಅಯ್ಯಪ್ಪ ಮಾಲೆ ಧರಿಸಿದ ಶಿವಣ್ಣ

ಕಳೆದ ಕೆಲ ವರ್ಷಗಳನ್ನ ಹೊರತುಪಡಿಸಿದ್ರೆ ಪ್ರತೀ ವರ್ಷ ಅದ್ಯಾವುದ್ದೇ ಚಿತ್ರ ಒಪ್ಪಿಕೊಂಡಿದ್ದರೂ, ಅದೇನೇ ಬ್ಯುಸಿಯಾಗಿದ್ದರೂ, ಅದೆಷ್ಟೇ ಒತ್ತಡವಿದ್ದರೂ, ಮಾಲೆ ಧರಿಸಿ ವ್ರತ ಮಾಡಿ ಭಯ ಭಕ್ತಿಯಿಂದಲೇ ಮಲೆಯೇರಿ ಅಯ್ಯಪ್ಪನ ದರ್ಶನ ಪಡೆದು ಬರುವ ಕನ್ನಡ ಚಿತ್ರರಂಗದ ಹ್ಯಾಟ್ರಿಕ್ ಹೀರೋ ಡಾ.ಶಿವರಾಜ್ ಕುಮಾರ್, ಇಂದು ಬೆಳ್ಳಿಗ್ಗೆ ಬೆಂಗಳೂರಿನ ದೇವಸ್ಥಾನವೊಂದರಲ್ಲಿ ದೇವರಿಗೆ ಪ್ರಾರ್ಥನೆ ಸಲ್ಲಿಸಿ ಅಯ್ಯಪ್ಪ ಮಾಲೆ ಧರಿಸಿದ್ದಾರೆ. ನಿರ್ದೇಶಕ ರಘುರಾಮ್ ಹಾಗೂ ಸ್ನೇಹಿತರ ಜೊತೆಯಲ್ಲಿ ಇಂದು ಮಾಲೆ ಧರಿಸಿರುವ ಶಿವಣ್ಣ ಮಾರ್ಚ್ 14 ರಂದು ಶಬರಿಮಲೆಗೆ ತೆರಳಿ ಅಯ್ಯಪ್ಪ ಸ್ವಾಮಿಯ ದರ್ಶನ ಪಡೆಯಲಿದ್ದಾರೆ.