ಕಿಲ್ಲರ್ ವೆಂಕಟೇಶ್ ಕಷ್ಟಕ್ಕೆ ನೆರವಾದ ದರ್ಶನ್
ಕಷ್ಟ ಪಟ್ಟು ಮೇಲೆ ಬಂದವ್ರಿಗೆ ಕಷ್ಟದ ಅರ್ಥ ನಿಜವಾಗಿಯೂ ಅರ್ಥವಾಗಿರುತ್ತೆ. ಬೇಕಿದ್ರೆ ಗಮನಿಸಿ ನೋಡಿ ಕಷ್ಟದಲ್ಲಿದ್ದವ್ರಿಗೆ ಹೆಚ್ಚಾಗಿ ಕಷ್ಟದಿಂದ ಮೇಲೆ ಬಂದವ್ರೇ ಕೈ ಹಿಡಿಯೋದು. ಇದಕ್ಕೆ ಮತ್ತೊಂದು ಉದಾಹರಣೆ ಅಂದ್ರೆ ಅದು ದರ್ಶನ್. ಹೌದು. 250 ಕ್ಕೂ ಹೆಚ್ಚಿನ ಚಿತ್ರಗಳಲ್ಲಿ ಅಭಿನಯಿಸಿರುವ ಕಿಲ್ಲರ್ ವೆಂಕಟೇಶ್ ಲಿವರ್ ಸಮಸ್ಯೆ ದಿಂದ ಬಳಲುತ್ತಿದ್ದಾರೆ. ಚಿಕಿತ್ಸೆಗೂ ದುಡ್ಡಿಲ್ಲದೇ ಪರದಾಡ್ತಿದ್ದ ಹಿರಿಯ ಕಲಾವಿದನಿಗೆ ಮೊದಲು ನೆರವಾಗಿದ್ದು ನವರಸ ನಾಯಕ ಜಗ್ಗೇಶ್. ಕಿಲ್ಲರ್ ವೆಂಕಟೇಶ್ ಕಷ್ಟಕ್ಕೆ ಮರುಗಿದ ಜಗ್ಗೇಶ್ ಕಿಲ್ಲರ್ ವೆಂಕಟೇಶ್ ಅವ್ರನ್ನ ವಿಕ್ಟೋರಿಯಾ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಚಿಕಿತ್ಸೆ ಕೊಡಿಸುತ್ತಿದ್ದಾರೆ. ಇದ್ರ ನಡುವೆ ಹಿರಿಯ ಕಲಾವಿದನಿಗೆ ಎದುರಾದ ಪರಿಸ್ಥಿತಿಯನ್ನ ಕನ್ನಡ ಚಿತ್ರರಂಗದ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಗೂ ಹೇಳಿದ್ದಾರೆ.
ಜಗ್ಗೇಶ್ ಅವ್ರಿಂದ ವೆಂಕಟೇಶ್ ಪರಿಸ್ಥಿತಿ ಕೇಳಿದ ದರ್ಶನ್ ಕೂಡಲೇ ಸ್ಪಂದಿಸಿದ್ದಾರೆ. ಕೇವಲ ಒಂದು ಘಂಟೆಯಲ್ಲೇ ಚಿಕಿತ್ಸೆಗೆ ಒಂದು ಲಕ್ಷ ಹಣ ಕೊಟ್ಟು ಕಳಿಸಿದ್ದಾರೆ. ದರ್ಶನ್ ಮಾಡಿದ ಇದೇ ಸಹಾಯವನ್ನ ಜಗ್ಗೇಶ್ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ದರ್ಶನ್ ಗೆ ಧನ್ಯವಾದ ಹೇಳಿದ್ದಾರೆ. ನಿನ್ನ ಶ್ರೇಷ್ಠ ಗುಣ ಹೃದಯದಲ್ಲಿ ಅಚ್ಚಾಯ್ತು. ನೂರ್ಕಾಲ ಸುಖವಾಗಿ ಬಾಳಿ ಶುಭ ಹಾರೈಕೆ ಅಂದಿದ್ದಾರೆ.